| | பல்லவி | |
| 1842 | | இருளும் நீங்கிடாதோ? - சூரியனும்
எழுந்து வந்திடானோ? | |
| | கண்ணிகள் | |
| | ஆடு நெடுந் தேரும் - வழியில்
அச்சு முறிந்ததுவோ?
ஏழு குதிரைகளும் - ஒன்றாய்
இடறி வீழ்ந்தனவோ? | (இருளும்) |
| | அரவின் வாய்ப் பட்டே - அவனும்
அழிந்து போனானோ?
பரவையில் விழுந்து - மீளாப்
பாதலம் சேர்ந்தனனோ? | (இருளும்) |
| | ஏற வொட்டாதபடி - விந்தம்
எழுந்து நின்றதுவோ?
வேறு வழியாகச் - சென்று
மேற்கில் அடைந்தனனோ? | (இருளும்) |
| | கோழி கூவிடாதோ? - காகமும்
கூட்டில் மடிந்ததுவோ?
தோழி இரவிதுதான் - யுகமாய்த்
தொடர்ந்து நீண்டிடுமோ? | (இருளும்) |