முகப்பு

பக்கம் எண் :

தொடக்கம்

56 கவிமணியின் கவிதைகள் 53. பசு 367   பச்சைப்புல்லைத் தின்று வெள்ளைப்      பால்தரநீ என்ன பக்குவஞ் செய்வாய்? அதனைப்      பகருவையோ? பசுவே! உச்சியுடல் நக்கி, ஈன்ற      உடனுனது கன்றை, உயிரெழுப்பும் மாயம் எதோ?      உரைத்திடுவாய், பசுவே! 368   வாய்க்கினிய பால்தருவாய்;      வயற்குர மும்தருவாய் வண்டிக்கட்டக் காளையும் நீ      வளர்த்தளிப்பாய், பசுவே! தாயில்லாப் பிள்ளைகட்குத்      தாயாவாய்; நோயால் தளர்பவர்க்கு மருத்துவச்சி      தானாவாய், பசுவே! 54. பால் 369   அம்மா பாலைக் கறந்திடுவாள், பாலைக் காய்ச்சி ஆறவைப்பாள்; ஆறின பாலில் உறைவிடுவாள், உறைவிட்ட பால் தயிராகும்; தயிரைக் கடைந்தால் மோராகும், மோரில் வெண்ணெய் படர்ந்துவரும்; வெண்ணையை உருக்கினால் நெய்யாகும், நெய்யில் அப்பம் சுட்டிடலாம்; நீயும் நானும் தின்றிடலாம். 55. பசுவும் கன்றும் 370   தோட்டத்தில் மேயுது வெள்ளைப் பசு - அங்கே      துள்ளிக் குதிக்குது கன்றுக் குட்டி. 371 அம்மா என்குது வெள்ளைப் பசு - உடன்      அண்டையில் ஓடுது கன்றுக் குட்டி

முன் பக்கம்

மேல்

அடுத்த பக்கம்