| முழுவதும் அடங்கிய ஆய்வு தொகுப்பு | 87 |
Untitled Document
| 542 | | சித்தம் இரங்கிட வேண்டுகின்றோம் - எம்மை
க்ஷேமமாய்க் காத்திடக் கெஞ்சுகின்றோம்;
புத்த முனியருள் போதனையை - என்றும்
போற்றுதல் உங்கள் கடனாமே. |
| | 72. இயற்கை வாழ்வு | | 543 | | பறந்து பறந்தெங்கும் - திரியும்
பறவை வாழ்வினைப்போல்,
சிறந்த வாழ்வேதும் - இந்தச்
செகத்தில் கண்டதுண்டோ? |
| 544 | | சாதிச் சண்டையில்லை - ஓயாச்
சமயச் சண்டையில்லை;
வேத சாத்திரங்கள் - கூறும்
விதி விலக்கு மில்லை. |
| 545 | | தோட்டி களுமில்லை - உயர்ந்த
தொண்டை மானுமில்லை;
கோட்டை வீடுமில்லை - எளிய
குடி யிருப்புமில்லை. |
| 546 | | குரு மடங்களில்லை - சீடர்
குழாங்கள் ஒன்றுமில்லை;
ஒருவர் முன்னே விழுந் - தொருவர்
உபச ரிப்பதில்லை. |
| 547 | | பசுவைக் கொன்றுவிட்டுக் - கொன்ற
பாவம் நீங்கிடவே
பசுவின் தோற்செருப்புத் - தானம்
பண்ணு வதுமில்லை. |
| 548 | | செக்கினை விழுங்கி - அதனைச்
சீரணம் செய்யக்
சுக்கக் கஷாயம் - குடிக்கும்
தொழில்கள் ஏதுமில்லை. |
| 549 | | குடிகெடுத்துவிட்டுப் - பழிகள்
கோடி செய்துவிட்டுக்
கடவுளை வணங்கி - நிதமும்
கண்ணீர் விடுவதில்லை. | |
|
|