Untitled Document
| 534 | | வண்டியில் கொண்டெமை மாட்டுகின்றீர் - காலை
மாலையெல்லாம்தட்டி ஓட்டுகின்றீர்;
நொண்டினா லும் விட்டுப் போகமாட்டீர் - உடல்
நோவ அடித்து வெருட்டுகின்றீர். |
| 535 | | மோட்டார் வண்டிவந்தும் மோட்சமில்லை - நாங்கள்
முன்செய்த தீவினைக் கென்செய்குவோம்;
ஏட்டா லெழுத அடங்கிடுமோ - கஷ்டம்
யாரிடம் சொல்லி அழுதிடுவோம்? |
| 536 | | கோடிகோடி ஸைக்கிள் வந்திடினும் - எங்கள்
கூட்டத்துக் கேதுமோர் நன்மையுண்டோ?
ஓடிஓடி உயிர்ஓய்ந்திடவோ - எம்மை
உண்டாக்கி விட்டான் உடையவனே? |
| 537 | | மேடு பள்ளங்களில் ஓடவேண்டும் - வெய்ய
வேனில் மழைகளில் ஓடவேண்டும்;
காடுசெடிகளில் ஓடவேண்டும் - இந்தக்
கஷ்டங்கள் யாரிடம் சொல்வோம், ஐயா! |
| 538 | | கொட்டகை கூடாரம் போட்டுக் கொள்வீர் - அதில்
கூத்தாடிக் கூத்தாடி ஓடச் சொல்வீர்;
பட்டினியாக இறந்திடினும் - இந்தப்
பாடடெவர் பட்டுப் பிழைப்பர்? ஐயோ! |
| 539 | | ஆங்காரத் தாலும் பேராசையாலும் - நீங்கள்
அண்டைஅரசரைப் போர்க்கிழுத்தால்,
தாங்காத் துயரெலாம் தாங்கிச்சலித்து - யாம்
சாவதும் எங்கள் தலைவிதியோ? |
| 540 | | கல்இளைப் பாறியே நிற்கவொட்டீர் - வாயிற்
கௌவிய புல்லையும் தின்னவொட்டீர்;
மூலை முடக்கென்றும் எண்ணமாட்டீர் - எம்மை
மூச்சு விடாமல் துரத்துவீரே. |
| 541 | | அழக்குக் காணம் அளித்திடுவீர் - அதற்கு
ஆயிரம் வேலையும் இட்டிடுவீர்;
ஏழைக் கிரங்கெனும் நீதிமொழி - நீங்கள்
ஏட்டில் படித்தததை ஏன்மறந்தீர்? | |
|
|