| முழுவதும் அடங்கிய ஆய்வு தொகுப்பு | 85 |
Untitled Document
| 526 | | வம்புகள் பேசிடும் வாயையன்றோ - பூட்டி
வைப்பது நீதி முறையாகும்;
நம்பி யிருப்போர்க்குத் துன்பம் இழைப்பது
நல்லோர் பெரியோர் செயலாமோ? |
| 527 | | வெள்ளிப்பூண் கட்டிய சேணமிட்டால் - நெஞ்சு
வேதனை யில்லா திருந்திடுமோ?
அள்ளி யிடும்பிடிப் புல்லுக்காக - எங்கள்
ஆவியைக் கொள்வ தழகாமோ? |
| 528 | | பக்கம் திரும்பியே பார்த்திடாமல் - எங்கள்
பார்வையைக் கட்டி மறைப்பதுமேன்?
திக்கெலாம் தந்த பிரமனிலும் - நீவிர்
தீவிர புத்தி உடையவரோ? |
| 529 | | திண்ணிய லாடமும் கட்டுவதேன்? - அதில்
தீயெழ எம்மையும் ஒட்டுவதேன்?
புண்ணியம் நீர்செய்ய வேண்டாமையா - எம்மைப்
போக்கிலே வீட்டில் போதுமையா! |
| 530 | | எண்ணிக்கை அற்றதோல் பட்டைகளைக் - கட்டி
எம்மீது இறுக்கி முறக்கிவைப்பீர்;
கண்ணுக் கழகவை ஆயிடினும் - எங்கள்
கண்டம் நெரிவ தறியீரோ? |
| 531 | | பற்றி முதுகினில் ஏறிக்கொள்வீர் - எம்மைப்
பட்சிகள் போலப் பறக்கச் செய்வீர்;
சற்றும் இரக்கம் இலாதவரோ? - நீங்கள்
சாத்திரம் கற்ற பயன் இதுவோ? |
| 532 | | ஈசன் அளித்தகால் இரண்டிருக்க - நீரும்
எங்கள் குறுக்கை முறிப்பதேனோ?
தாசரைப் போல்வேலை செய்திடினும் - தயை
சற்றும் உமக்கு வருவதுண்டோ? |
| 533 | | கையில் சவுக்கொன்று போதாதென்றோ - இரு
காலிலும் முட்களைக் கட்டிக் கொண்டீர்?
ஐயையோ ஏழையேம்ஆவி பறித்திட
ஆயிரம் கூற்றுவர் வேண்டுமேயோ? | |
|
|