Untitled Document
| 520 | | கத்தி காட்டிக் காத்து நின்ற
காவ லாளரைப் - பல
காவ லாளரை,
எத்தி விட்டுப் பறந்து சென்றான்;
என்ன மாயமோ? - ஐயோ!
என்ன மாயமோ? |
| 521 | | காலையெழும் கதிரவனும்
கண்டதில்லையோ? - இதைக்
கண்டதில்லையோ?
ஓலமிட்டுங் கேட்கவில்லை;
ஓடுகின்றானே - ஐயோ!
ஓடுகின்றானே. |
| 522 | | பூவுலகில் வாழ்ந்ததினிப்
போதும், போதுமே - எனக்குப்
போதும், போதுமே;
தேவர்திரு வடிபணியச்
செல்லுகின்றேனே - இதோ
செல்லுகின்றேனே. |
| 523 | | கற்றுத் தெளிந்தநல் மானிடரே! - எம்மைக்
காக்கப் பிறந்த பெரியோரே!
சற்றும் அறிவிலா எம்மொழிக்குச் - செவி
சாய்க்கத் திருவுளம் கொள்வீரே! |
| 524 | | வளர்ந்து வரும்வாலை வெட்டி வெட்டித் - தேய்ந்த
மாறுபோல் ஆக்கிக் குறைத்திடும்நீர்,
தளர்ந்த பொழுதெங்கள் ஈப்பகை ஓட்டிடத்
தக்க உதவிகள் செய்வ துண்டோ? |
| 525 | | இரும்புக் கடிவாளம் மாட்டுவதேன்? - வாயை
ஈசன் படைத்த திதற்காமோ?
பெரும்புவி மீதினில் உங்களுக்கும் - இந்தப்
பேதைகள் செய்த பிழைகள் உண்டோ? | |
|
|