| முழுவதும் அடங்கிய ஆய்வு தொகுப்பு | 83 |
Untitled Document
| 513 | | மேட்டு நிலங்களிலே - தினைக்கதிர்
விம்மி விளைகையிலே,
காட்டு மயில் வரவே - குகனும் என்
காதல் விளைவிப்பார், அடி! |
| 514 | | காவுயர் சோலையிலே - பசுவொடு
கன்று களிக்கையிலே,
தாவிப் புலிவிழவே - வருந்துயர்
தாங்க முடியவில்லை. |
| 515 | | புல்வளர் கானத்திலே - கலையினம்
பொங்கிக் குதிக்கையிலே,
கொல்கடு வாய்வரவே - நெஞ்சத்தில்
கூரம்பு பாய்ந்ததடி! |
| 516 | | குஞ்சரக் கூட்டத்திலே - ஒன்றையொன்று
குத்திப் பொருகையிலே,
வெஞ்சின மாவரவே - அதிலுள்ளம்
வெம்பி அழிந்ததடி! |
| 517 | | வானுயர் காவினிலே - மதுவினை
வண்டுகள் சேர்க்கையிலே,
கானவர் வந்திடவே - உதிரம்என்
கண்கள் சொரிந்ததடி! |
| 518 | | தேரைகள் ஓடையிலே - இனத்தொடு
சேர்ந்து மிதக்கையிலே,
நாரைகள் வந்திடவே - பாவிமனம்
நைந்து குழைந்ததடி! |
| 70. ரோஜாவே ஏன் வாடுகிறாய்? |
| 519 | | கள்ளன் வந்தான், கள்ளன் வந்தான்,
கதவை யுடைத்தான் - வீட்டுக்
கதவை யுடைத்தான்;
கொள்ளை யிட்டென் பொருளை யெல்லாம்
கொண்டு போய்விட்டான் - ஐயோ!
கொண்டு போய்விட்டான். | |
|
|