Untitled Document
| 505 | | உடலு றுப்புகள்போல் - உலகில்
ஒத்துழைப் போமேல்,
தடையி லாமலே - க்ஷேமம்
தழைத்து வருமையா! |
| 506 | | வறுமை அண்டாது - கொடிய
வழக்கும் வாராது;
சிறுமை தருஞ் செயல் - ஏதும்
தீண்ட மாட்டாது. |
| 507 | | எமனை அஞ்சாமல் - தீமை
யாது மில்லாமல்,
அமர வாழ்வுமிந்த - உலகில்
அடைய லாமையா! |
| 508 | | உலக க்ஷேமத்தைத் - தரும்
உண்மை யிதுவையா!
பலபல வேறு - சொல்லிப்
பயனொன் றில்லையா! |
| | 69. எனது சுகதுக்கங்கள் | | 509 | | வான வெளிதனிலே - கவிந்தெழு
மாலைப் பொழுதினிலே,
கூனப் பிறைவரவே - சிவன்திருக்
கோலம் தெளிவேன், அடி! |
| 510 | | முற்றிய ஆழியிலே - அலை வந்து
மோதி எறிகையிலே,
கற்றைக் கதிரெழவே - உமைதிருக்
காட்சி வியப்பேன், அடி! |
| 511 | | தாமரைப் பொய்கையிலே - கதிரொளி
தட்டுமவ் வேளையிலே,
பூமலர்ந் தோங்கிடவே - அரியென்று
போதம் நயப்பேன், அடி! |
| 512 | | மாமலைச் சாரலிலே - மதமிகு
வாரணக் கூட்டத்திலே,
காமலர் சிந்திடவே - கணேசர் என்
கண்முனே நிற்பார், அடி! | |
|
|