Untitled Document | 578 | | கண்ணில் ஒளிவிளங்கக் கண்டேன் - அந்தக்
காட்சியின் காரணம்என்? குழந்தாய்!
விண்மீன் ஒளிசிறிது தங்கி - அங்கு
மின்னி விளங்குகின்ற தம்மா! |
| 579 | | நெஞ்சம் களிக்கவரும் குழந்தாய்! கண்ணில்
நீர்த்துளி நின்றகதை எதுவோ?
வஞ்சப்புவியில் எனைத் தேடி - அது
வழியெதிர் வந்துநின்ற தம்மா! |
| 580 | | ஒளிரும் உன் நெற்றியிலே இந்த - மென்மை
உண்டான தெப்படி? என் குழந்தாய்!
தளிரும் தழையச் செய்யுங் கரமொன்று - அதைத்
தடவி அளித்ததுண்டு என் அம்மா! |
| 581 | | பூவின் அழகுனது முகத்தில் - என்றும்
பொழிந்திடும் காரணம்என்? குழந்தாய்!
தேவரும் கண்டறியாக் காட்சி - யானும்
தெளிவுறக் கண்டபலன், அம்மா! |
| 582 | | புன்னகை பூத்திடும் வேளை - ஒரு
புதுமையும் காண்பதேனோ? குழந்தாய்!
முன்னம் அரம்பையர்கள் மூவர் - ஒன்றாய்
முத்தம் அளித்தகுறி, அம்மா! |
| 583 | | ஆசைக் குழந்தாய்! இச் செவிகள் - உன்னை
அடைந்த வரலாறே துரையாய்?
ஈசனும் பேசிடவாய் திறந்தான் - கேட்க
இவையும் எழுந்தன, என் அம்மா! |
| 584 | | இன்பச் சிறுகரங்கள் இவைதாம் - உனக்கு
எவ்வா றமைந்தன? என் குழந்தாய்!
அன்பு வளர்ந்திவ்வுரு வாகி - என்னை
அண்டி அணைந்திருக்கு தம்மா! |
| 585 | | ஆவி குளிரவருங் குழந்தாய்! - இந்த
அழகிய கால்கள் எங்கே கொண்டாய்?
தேவப் பிறவிகளின் சிறகோடு - ஒரு
சிங்காரப் பெட்டியிலே கண்டேன். | |
|
|