Untitled Document
| 594 | | வளர்த்த ரோஜாவும் - புதுமண
மகிழ்ச்சி காட்டு தம்மா!
அழைத்து வாராய், அம்மா! - தம்பியும்
அறிந்திடானோ? அம்மா! |
| 595 | | யார் அழைத்தாலும் - அவன் செவிக்கு
எட்ட மாட்டாதே;
பாரில் நம்மை அவன் - இனிவந்து
பார்க்க மாட்டானே. |
| 596 | | வாச மலரைப்போல் - வளர்ந்தவன்
வாடி விட்டானே;
ஈசன் சன்னதியில் - விளையாடி
இருக்கின் றான்அப்பா! |
| 597 | | குயிலைத் தேடானோ? கிளியொடு
கொஞ்ச வாரானோ?
மயிலை நோக்கானோ - நம்மையெல்லாம்
மறந்தும் போனானோ; |
| 598 | | வேனிற் காலமெல்லாம் - நம்மையிங்கு
விட்டிருப் பானோ?
யானும் என்னசெய்வேன்! - தனித்தனி
இருப்ப தெப்படியோ? |
| 599 | | காலை மாலைதனில் - சிற்றோடைக்
கரையில், சோலைதனில்
சீலச் செல்வனொடு - சுற்றிநிதம்
திரிதல் போச்சுதையோ! |
| 600 | | இனிய கதையெல்லாம் - அவனைப்போல்
யாவர் சொல்வாரம்மா!
கனியைச் செந்தேனை - இனிஎந்தக்
காலம் காண்பேன், ஐயோ! | |
|
|