:: TVU ::

முழுவதும் அடங்கிய ஆய்வு தொகுப்பு

Untitled Document

		78. மூன்று விஷயங்கள்
601		கூவிப் பறக்கும் ஒரு - கிளியினைக் கூட்டில் அடைத்து வைத்தால் தேவர் உலகமெலாம் - அதுசினத் தீயை யெழுப்பிடுமே!

602

மன்னிய சோலையிலே - ஒருகுயில்
வாடி வருந்து மெனில்,
கின்னரர் கிம்புருடர் - தளர்ந்ததும்
கீதம் இழப்பார் ஐயோ!

603

சிட்டுக் குருவிக்கேனும் - ஒருசிறு
தீங்கினைச் செய்பவரை
நட்டநல் நண்பராக - உலகமும்
நம்பிக்கை கொள்வதுண்டோ?

		79. பறவையின் சிந்தனை I
		முட்டைக் கரு
604		ஆதியில் ஒருசிறு வீட்டை அண்டியான், ஏதுமங் கொருகுறை யின்றி வாழ்ந்தனன்; ஓதுமிவ் வுலகுருச் சிறுத்து ருண்டவோர் சோதிவெண் நீல்நிறத் தோடென் றெண்ணினேன்.

		கூட்டில் குஞ்சு
605		விடிது வீ்ழ்ந்திட, வேறும் ஓரிடம் கூடியே சிலதினம் குடியிருந்தனன்; ஈடறு வையகம் உலகம் என்அனை நாடிய காப்பகம் என்று நம்பினேன்.

		இறகு முளைக்கும் சிறு பறவை
606		கண்ணுறு பொருளவை காண ஓர்தினம் எண்ணிஎன் கூட்டரு கிறங்கி நின்றனன். திண்ணிய உலகில் தழையிற் செய்ததாம். புண்ணிய மில்விழி பொருந்தினேன் என்றேன்.