:: TVU ::

பக்கம் :120

பூங்கொடி


	தீத்திறம் யாவும் தீர்த்திடும் ஆசான், உலகம் உய்ந்திட உயர்நிலை எய்திடப் பலபொருள் பொதிகுறட் பாவினைத் தந்தனன்; எப்பா லவரும் ஏத்தும்அம் முப்பால்
	செப்பிய பொருளறம் தப்பா துரைத்து	175

	பழுவூரார் பரிசில் அளித்தல்

	எஞ்சா துணர்த்திய எழிலறம் அனைத்தும் நெஞ்சாற் கொண்டனர்; நிறைமொழி மாந்தன் வள்ளுவன் ஓதிய வாய்மைகள் கண்டனர்;
	தெள்ளிய தமிழியம் தேர்ந்தனர் அன்பை	180
	உள்ளிய பழுவூர் உறையும் மாந்தர்; நன்னூல் மொழிந்திடும் நவைதவிர் அறமெலாம் பன்னூற் கூத்தன் பகர்ந்திடக் கேட்டுக் கழிமிகு மகிழ்வினர் நிறைபடு நிதியம்
	அரும்பொருள் பலவுடன் அளித்தனர் போற்றப்	185

	பிரிந்தவர் கூடுதல்

	கருங்கடல் கடந்தனன் கலந்தரு துணையால் தாயகம் கண்டனன் தளிர்த்தனன் மனனே; வேயனை தோளி மீளுறுங் காதலற்
	காணலும் நீள்துயர் களைந்தனள் ஆங்கே;	190
	பேணிய கூத்தும் பெரும்பே ரிசையும் நீணில மாந்தர் நெஞ்சங் களிகொள மீண்டும் மலர்ந்தே யாண்டும் பரவின; எழிலிதன் வாழ்வில் எழிலி ஆயினள்;

	பூங்கொடி எழிலிபால் எழுதல்

	தொழுதகும் அந்தத் தூயவள் பாங்கில்	195
	எழுக! இசையின் நுணுக்கம் யாவும் பழுதற உணர்க! பரப்புக பாரில்!
	என்றனர் அடிகள் எழுந்தனள் அவளே.	198
---------------------------------------------------------------
	தமிழியம் - தமிழின் கொள்கை, வேயனை தோளி - எழிலி.