:: TVU ::

இசைப்பணி புரிந்த காதை

பக்கம் : 137


	ஊட்டிய தவைவீ! ஒன்றுனை வேண்டுவல்
	பாட்டியல் பயில வேட்டவர் பலர்வட	270
	நாட்டிடை வேங்கை நகரினில் வதிவோர் ஊட்டுவோர் ஆங்கண் ஒருவரும் இன்மையின் வாட்ட முறுவது வருங்கால் உணர்ந்தேன் அரிவைநீ அருளுடன் அந்நகர்க் கேகுதல்
	புரிகுவை யாயின் பெரும்பயன் வரும்'எனப்	275
	பரிவுடன் சண்டிலி பகர்ந்து வணங்கினள்;

	வேங்கை நகரில் பூங்கொடி

	சரியென இசைந்தெழு தன்னிகர் பூங்கொடி அடிகள் திருவடி அன்பொடு வணங்கித் துடியிடைச் சண்டிலி துணையொடு போந்தவள்
	ஓங்ககல் நெடுந்தெரு வேங்கைமா நகருள்	280
	நிலவொளி வீசும் நெடுநிலை மாடம் பலர்புகத் திறந்த பகுவாய் வாயில் மாளிகை புகுந்து மகிழ்வுடன் தங்கி மீளி மீனவன் மீட்டநற் சுவடியின்
	துணையொடு தோன்றித் தொழுதவண் இருந்தே	285
	இணையிலா வளத்தன் இளகிய மனத்தன் பசிதின வருந்திய பைதன் மாக்கட்கு நசையொடு பொருஞ்சோறு நல்குதல் என்ன இசைபயில் பசியால் இரப்போர் தமக்கெலாம்
	காரிகை உவந்த கனியிசை யமுதம்	290
	வாரி வாரி வழங்கினள் பெரிதே	291
---------------------------------------------------------------
	ஓங்ககல் - நீண்டகன்ற, பகுவாய் - பெரியவாயில், மீளி - சிறந்தவன், பைதல் - வருத்தம்.