:: TVU ::

நூல்நிலையம் அமைத்த காதை

பக்கம் : 163


	சீரிய நின்பணி செயற்பட வேனும் கோரிய என்மொழி கொண்டருள் செல்வீ! மீறிய அவாவின் வேண்டுவல் யாதெனக்
	கூறுக நீ'எனக் குறையிரந் தனரே!	100

	நூலகம் அமைக்கப் பூங்கொடி வேண்டுதல்

	பெருமகன் உளத்து வருவிருப் பகற்ற ஒருவழி யறியாள் ஒப்பின ளாகித் `திருமிக வுடையாய்! செயிரறு கொடையாய்! ஒருபெரும் நூலகம் ஊரிடை நிறுவக்
	கருதுவ துடையேன், காணும் அதுதான்	105
	தென்மொழி முதலாப் பன்மொழிச் சுவடிகள் நன்மை தருவன நாடித் தொகுத்தே யாண்டும் இதற்கிணை இல்லெனு மாறு பூண்டநற் புகழொடு பொலிவுறல் வேண்டும்;

	தனித்தனி இடங்கள்

	தொன்னூல் பலவும் துறையறி புலவர்	110
	அந்நூல் துருவி ஆய்வுரை கண்டு நன்னூல் பலப்பல நல்குதற் பொருட்டும், கற்பனை வல்ல காவியப் புலவர் சொற்பொருள் பொதிந்த தொழுதகு காப்பியம்
	பற்பல படைக்க முற்படும் பொருட்டும்,	115
	நுழைபுலம் தரூஉம் நூலகம் அதனுள் எழிலும் அவர்தமக் கேற்றநற் பொருளும் கழிமிக நிரம்பிய கண்கவர் இடங்கள் தனித்தனி அமைத்துத் தருதலும் வேண்டும்
	கனித்தமிழ் தழைக்கஓர் கருவி ஆகும்	120
	எனத்தகும் நினைவால் ஈண்டியது புகன்றேன்;
---------------------------------------------------------------
	கோரிய - வேண்டிக்கொண்ட, துருவி - ஆராய்ந்து.