:: TVU ::

பக்கம் :164

பூங்கொடி


	நூலகத்திற்கு மாளிகை தர வேண்டுதல்

	ஈங்குநின் னுரியன எண்ணில மாளிகை ஆங்கவை தம்முள் ஓங்கிய நூலகம் ஆக்கிட ஒன்றனை அளித்திடல் நின்கடன்
	தேக்கிய நிதியும் செறிந்துள தறிவேன்;	125
	ஈதற் பண்பும் இயல்பான் அமைந்தனை, ஆதலின் நூலகத் தரும்பெரும் பணிக்குப் பொறுப்புடன் அருளும் பொருளும் அளித்து விருப்புடன் காக்க வேண்டுவல் யானே,
	இஃதென் விழைவாம்' என்றனள் பூங்கொடி;	130

	கிழார் உறுதியளித்தல்

	`அஃதுன் விழைவெனின் ஆகுக அவ்வணம் நன்று நினைப்பின் அன்றுசெயல் வேண்டும்; இன்றே முடிப்பேன், இரவென நின்றேன், காலை புலர்ந்ததும் கடிதினில் முடித்து
	நாளை நூலகம் நடுவூர் ஆங்கண்	135
	மிளிரக் காண்குவை; மேம்படும் நின்மனம் குளிரக் காண்பதென் குறிக்கோள் ஆகும்' எனுமொழி இயம்ப இளங்கொடி மகிழ்ந்து
	நனிமிகு நன்றி நவின்றே கினளே.	139

---------------------------------------------------------------
	துருவி - ஆராய்ந்து, தரூஉம் - தரும்.