:: TVU ::

பக்கம் :178

பூங்கொடி


	கற்பனை யாகும்; காப்பமைந் துளதால்	105
	மற்றவர் புகுந்து செற்றனர் என்று சொற்றிட இடமிலை; சொல்லுமென் கருத்தைச் சுற்றி வளைத்து மற்றொரு பொருளைப் படைத்திட வேண்டா பணிவுடன் வேண்டுவல்'

	காவலர் குறுக்கீடு

	எனவாங்கு	110
	முடிக்குமுன் காவல் முதல்வர் மறித்துத் `துடித்த லின்றிச் சொல்லுக, உண்மை கிடைக்குமென் றெண்ணிக் கிளறுவ தெம்கடன்; மற்றவர் தம்மால் மாண்டிலன் என்றால்
	தற்கொலை என்று சாற்ற நினைந்தே	115
	இவ்வணம் புகன்றீர் எனுங்கருத் துடையேன் ஒவ்வுவீ ராயின் உரைமின்' என்றனர்;

	மாணவன் ஏக்கவுரை

	`எவ்வா றவ்வணம் இளம்புவல் ஐய! செவ்விதிற் றெரியும் செயப்படு கொலையைத்
	தற்கொலை என்று சாற்றுதல் தகுமோ?	120
	எற்கெனை யிங்ஙனம் இடையிடை மறித்துப் பற்பல வினவிப் பாடுறச் செய்கிறீர்? எனக்கும் கொலைக்கும் எவ்வகைத் தொடர்பும் மனத்தும் நினைக்க வழியிலை; என்மொழி
	அனைத்தும் வாய்மை அறிகதில் ஐய!'	125
	எனப்புகல் மாணவன் ஏங்கி நின்றனன்!

	காவலர் கனிவுரை

	`உம்மை ஐயுறும் உள்ளம் எமக்கிலை மெய்ம்மை தெரிவான் விடுத்தனென் இவ்வினா! கடுமொழி யன்றிது கனிமொழி யாகும்
	விடுகநும் அச்சம் விளம்புக மெய்யே;	130
---------------------------------------------------------------
	தெரிவான் - தெரிய.