:: TVU ::

சிறைப்படு காதை

பக்கம் : 179


	அன்பொடு வினவும் ஐய வினாக்கட் கின்புடன் விடைகள் இறுப்பது நும்கடன்; துன்புகள் நும்மைத் தொடரா; உறுதி; வன்பகை இறந்தோற்கு வாய்த்ததும் இல்லை;
	பின்பவன் தற்கொலை புரிந்ததும் இல்லை;	135
	செயப்படு கொலையெனச் செப்பலும் செய்தீர்; நயத்தகும் மன்றினுள் நல்லவள் பூங்கொடி சண்டிலி தன்துணை கொண்டு வதிவதும் விண்டனிர்; இவற்றால் விளங்குவ தென்னை?
	ஒண்டொடி மகளிர் ஒருவர்மேல் ஐயம்	140
	உற்றனிர் கொல்லோ? மற்றிவர் இருவரும் குற்றம் புரிதல் கூடுமென் றெண்ணம் பெற்றனிர் கொல்லோ? தெற்றென மொழிக!'

	மாணவன் துடிப்பு

	என்றுரை கேட்டோன் `ஈதென் கொடுமை?
	நன்றுரை புகன்றீர்! நானதற் கொருப்படேன்	145
	கொன்றெனைச் சிதைப்பினும் கூறேன் அம்மொழி; பயிற்றிய தாயின் பால்முகம் நோக்கின் அயிர்த்தலும் ஒல்லுமோ? ஐயகோ அடாஅது! பாழ்மகன் இறந்தும் பழியினைத் தந்தனன்;
	ஆழ்கடல் உலகில் அவள்நிகர் பெண்மகள்	150
	சூழினும் காண்கிலம்; தூயவள் தனக்குத் தாழ்வுகள் வருதல் தகுமோ ஐய! ஊழ்வினை என்றொன் றுளதெனச் செப்புவர் பாழ்வினை யிந்தப் பழிமொழி வடிவிற்
	சூழ்ந்தது கொல்லோ? சூழ்ந்தது கொல்லோ?'	155
	என்றவன் அரற்றி யிரங்கித் துடிக்க;

	காவலர் நயவுரை

	`யாது நிகழ்ந்த திங்ஙனம் அரற்றினை?
---------------------------------------------------------------
	அடாஅது - தகாது.