| |
| |
| | பெருநிலக்கிழார் வருந்துதல் | |
| | | |
| | சிறைபட் டாங்கட் செல்வோள் முகத்து
மறைப்பரு கவலை வெளிப்படல் கண்டு
மாளாத் துயரால் வதைந்திடுங் கிழவர்
`வாளா இனியிரேன் வருவது வருக! |
|
| | நாளை மீட்பேன் நங்காய் கவலேல்' | 5 |
| | என்றுதம் விழியில் இரங்குநீர் துடைத்து
நின்றவர் `அந்தோ நேர்மைக் கிடமிலை,
நல்லவை செய்தார்க்கு நலிவிலை என்றும்
அல்லவை செய்தார்க்கே அழிவுகள் என்றும் | |
| | சொற்றன யாவும் வெற்றுரை யாகும்; | 10 |
| | முற்றா இளங்கொடி முள்நுனி யளவும்
குற்றம் புரிந்திலள் கொடும்பழி வந்ததே;
எற்றோ உலகியல்!' என்றவர் ஏகினர்; | |
| | | |
| | ஊரவர் பழித்தல் | |
| | | |
| | இசைஇசை எனச்சொலி ஏய்த்தனள் ஊரை! | |
| | வசையென நாணாள் மணவினை நாடாள் | 15 |
| | துறவினள் போலத் தொண்டெனும் பெயரால்
இரவிடை நிகழ்த்தும் இழிசெயல் எத்தனை!
ஒருநாள் வெளிவரும் உண்மை என்றனர்;
எழில்நிறை உருவமும் இளமைப் பருவமும் | |
| | கழிமிக வுடையவள் காரிகை யிவள்தான்! | 20 |
| | கலைதெரி பெயரால் கட்டிளங் காளையர்
பலர்பலர் அவ்விடைப் பயில்வோர் உளரால்
துறவும் தூய்மையும் தொலைவினில் ஓடி
மறையும் அன்றி வாழுமோ என்றனர்; | |
| | பாயும் புலியும் பசும்புல் வாயும் | 25 |
| | காயழல் தீயும் தூயநற் பஞ்சும்
நெருங்குமேல் விளைவதை நீணிலம் அறியும்;
உறுகேழ் வரகினில் ஒழுகும் நெய்யெனில் | |
| --------------------------------------------------------------- |
| | எற்றோ - எத்தன்மைத்தோ? புல்வாய் - மான். | |
| | | |