:: TVU ::

பக்கம் :186

பூங்கொடி


	பால்போல் முகத்துப் பாவையை நோக்கிக்
	குற்றஞ் சாற்றினர்; மற்றவள் மறுத்துச்	90
	`செற்றேன் அல்லேன் செந்தமிழ் ஆணை; உற்றஇக் கொலையில் ஒருதொடர் பில்லேன்; அற்றைப் பொழுதில் அவணிலேன் ஆதலின் ஒன்றும் அறிகிலேன்; உண்மையிஃ' தென்றனள்;
	சிறைசெய் காவலர் சிற்சில வினவினர்;	95
	மறைசெய் தறியா மங்கையுஞ் செப்பினள்;

	கிழார் சான்று கூறல்

	அவ்வுழை வந்துறும் அரும்பெறற் செல்வர் கவ்விய துயரினர் கலங்கிய விழியினர் பெய்வளை விடுதலை பேணிய நிலக்கிழார்
	அவையம் நோக்கி `ஆயிழை இவள்தான்	100
	நவையறு செயலினள் நன்மனத் தாட்டி கோதை இவட்கும் கோமகன் கொலைக்கும் யாதும் தொடர்பிலை யான்நன் கறிவேன்; கொலைநிகழ் பொழுதில் இலைஅவள் அவ்விடை
	என்மனை யகத்துள் இசையமு தளித்துப்	105
	பின்னிர விற்றான் பேதை மீண்டனள்' என்னலும், நடுவர் எடுத்துரை கூறினர்;

	நடுவர் தீர்ப்பு

	`மாமனை யகத்து மங்கை இசைத்ததை ஆமெனக் கொள்ளுதும்; ஆங்கவள் மீண்டபின்
	கோமகன் கொலையுணல் கூடும் அன்றோ?	110
	மீளுமுன் நிகழ்ந்ததை மெய்ப்பிக்க ஒன்றிலை; மூளும் பகையும் முனிவும் அவன்பாற் கொண்டவள் இவளெனக் குறிப்புகள் ஈண்டுள; சண்டிலி என்னுந் தையலுங் காண்கிலள்
	ஆதலின் இருவரும் அப்பெருங் கோமகன்	115
	சாதலைக் குறித்தனர் என்பதே சாலும்; அன்றெனின் இருவருள் ஒருவர் மற்றவர் செயலுக் குறுதுணை என்பதே உறுதியாகும்;
---------------------------------------------------------------
	உயிர் - உயிரெழுத்து, உக்குறள் - குற்றியலுகரம், கோல் - தராசு.