:: TVU ::

பக்கம் :194

பூங்கொடி


	கலக்கத்திற்குக் காரணம்

	கன்றிய மனத்துக் கலையறி கிழவர்
	`நன்றறி வுடைய நாவல ரேறே!	130
	இன்றுநீர் இருவரும் எழுந்திவண் வரலால் தொன்று பழகிய தொடர்பும் உறவும் உடையேன் போல உள்ளங் களித்தேன்; காரண மில்லாக் கலக்கமும் முளைத்தது;
	யாரென அறியா அருண்மொழி யின்முகம்	135
	பாரினில் நிகரிலை எனும்படி வாழ்ந்து கழிந்தஎன் நாளிற் படர்ந்த நினைவெலாம் சுழிந்து சுழிந்து தோன்றிடச் செய்தது; நங்கையின் குளிர்முகம் நாளெலாம் பழகிய
	துங்க முகம்போல் தோன்றுதல் கண்டேன்	140
	பூங்கொடி முகமோ பூமியில் நாளும் ஏங்கிடச் செய்தஎன் இளமகள் முகம்போல் தேங்கெழில் பொங்கித் திகழ்வதுங் கண்டேன்; அடங்காக் களிப்பும் அறியாத் திகைப்பும்
	விளங்காத் துயரும் உளந்தனிற் கொண்டேன்;'	145

	நிழற்படங்கணடு நிற்றல்

	என்றிவை கூறி `என்னுடன் வருக' என்றவர் தனியறை ஒன்றனைத் திறந்து, கிழாரும் அவர்மனைக் கிழத்தியும் இணைந்த வண்ணம் பொலியும் கண்கவர் எழிற்படம்
	முன்சுவர் தன்னிற் பொலிவது காட்டக்	150
	கண்டஅம் மூவரும் கண்விழித் தயிர்த்தனர் விண்டிட அறியார் வியர்வியர்த் திருந்தனர்; மலைத்து நின்றிடும் மலையுறை யடிகள்,
---------------------------------------------------------------
	தொன்று - பழமை, மனைக்கிழத்தி - மனைவி, விண்டிட - கூற, மலைத்து - திகைத்து.