:: TVU ::

பக்கம் :198

பூங்கொடி


	ஏலங் குழலிக் கிளையாள் மகளே! ஞாலம் பிழைக்க உழைக்கும் நங்காய்! உரிமை மகளே! உள்ளந் தழைக்க வருமென் மகளே வாவென் மகளே!'
	இருகை நீட்டி இவ்வணம் மொழிந்தனர்;	240

	பூங்கொடி தொழுது மொழிதல்

	பொழிகண் ணீரினள் பூங்கொடி மகிழ்ந்து தொழுதடி வீழ்ந்து `விழுமிய அன்பால் எனைமக ளெனநீர் ஏற்றனிர் ஐய! முனம்நம துறவினைக் கனவிலும் அறியோம்;
	இயல்பினில் அம்முறை யிருந்திடப் பேற்றோம்;	245
	மயல்தரும் துன்பம் மடிந்தது நம்மிடை; தந்தை யின்றித் தவிக்குமென் குறையும் நுந்தம் மகளிலா வெந்துயர்க் கொடுமையும் இன்றோ டொழிந்தன என்னுயிர்த் தந்தாய்'

	நிலக்கிழார் வாழ்த்துதல்

	என்றாள் கைம்மலர் இறுகப் பற்றித்	250
	தம்மிரு விழியொடு சார்த்திச் சார்த்தி `இம்மையின் பயனை இன்றே நுகர்ந்தேன் நம்மையொன் றாக்கிய நற்றமி ழிசையை வாழ்க வாழ்கென வாழ்த்துவம் வாரீர்!
	வாழ்க மகளே! வாழிய தமிழ்!'என	255
	வாழ்த்திய நிலக்கிழார் வண்டமிழ்த் தொண்டராம் மலையுறை யடிகள் மலர்முகம் நோக்கித் தலைதனைத் தாழ்த்தித் தகவுடன் வணங்கினர்;

	அடிகளார் வாயுறை வாழ்த்து

	`பெரியீர் வாழ்க! பேதைநும் மகளென
	உரியீர் வாழ்க! உறவும் ஓங்குக!	260
	புதியநும் உறவு பொதுப்பணி புரியும்
---------------------------------------------------------------
	இளையாள் - தங்கை, மலர்முகம் - மலர்ந்தமுகம்.