:: TVU ::

கிழார்திறம் அறிந்த காதை

பக்கம் : 199


	சிறியவட் குறுதுணை செய்தல் வேண்டும்; இளங்கொடி! நினக்கொன் றியம்புதல் கடனாம், வளங்கொளும் இவரொடு வாய்த்தஇத் தொடர்பால்
	மகிழ்ச்சியில் மைந்துறும் மங்கைநின் பணியில்	265
	இகழ்ச்சி கொள்ளா திலங்குதல் வேண்டும்; நம்மனோர் தந்தையும் தாயும் தமிழே, அம்மொழிப் பணியே ஆற்றுதல் வேண்டும் செம்மனக் கொடியே சீருடன் வாழிய!'
	எனவாங்கு	270
	வாயுறை வாழ்த்து வழங்கினர் அடிகள்;

	இருவரும் உறுதி கூறுதல்

	தந்தையும் மகளும் தாழ்ந்து பணிந்து `முந்தை முறையில் முரண்பா டில்லை, மொழிப்பணி புரிய முட்டொன் றில்லை
	விழிப்பொடு பணியில் நடப்பது திண்ணம்,	275
	உளத்தெழும் உறுதி இசைத்தனம்' என்றனர்;

	அனைவரும் மணிநகர் மீளுதல்

	அடிகளும் அருண்மொழி அன்னையும் மகிழ்ந்து கொடியிடை மகளை யிருவிழி குளிர நோக்கி வாழ்த்துரை நுவன்றனர்; அன்பு
	தேக்கிய நிலக்கிழார் சின்னாள் உறைந்திட	280
	வேண்டின ராக வியநகர்த் தங்கிக் காண்பன கண்டு களிப்புடன் நால்வரும் சேண்படு மணிநகர் சேர்தல் வேண்டிப்
	பகலிற் போந்தனர் பயணங் குறித்தே.	284