:: TVU ::

பக்கம் :204

பூங்கொடி

	நற்றவ முடையேன் யானும்' என்றனள்; இவ்வுரை செவிமடுத் திருந்திடும் வள்ளல்
	செவ்விய மனத்தீர்! சிறியஎன் பணியால்	95
	எற்புகழ்ந் தேத்தல் இருவீர் தமக்கும் பொற்புடைத் தன்று; புகழுரை தவிர்க! செந்தமி ழன்னையின் சீர்சால் தவமகற் கிந்தநற் கடன்செய இயைந்ததென் பேறாம்;
	யார்க்கது வாய்க்கும்? எற்கது வாய்த்தது!	100
	பார்க்குள் என்போற் பயன்பெற் றவரார்? பெறலரும் பேறு பெற்றேன் போலப் பெருமகிழ் வுறுமெனைப் பேணிநீர் புகழ்ந்தீர்!'

	இருவர்க்கும் கடன்

	எனஇவை இசைக்க, இளமென் பூங்கொடி
	`நுங்கடன் அஃதெனின் எங்கடன் இஃதாம்'	105
	எனும் மாற்றம் இறுத்தன ளாக அனைவரும் களிப்பால் ஆர்த்து மகிழ்ந்தனர்;

	யாழ்நூல் விளக்க வேண்டுதல்

	பனிமலர்க் கூந்தல் பைந்தொடி அரிவை முனிவர் தம்பால் மொழிந்திவை வேண்டினள்
	`வாழ்நாள் அனைத்தும் வளரறங் காப்போய்!	110
	யாழ்நூல் முழுதும் நவையற உணரும் ஆற்றல் உடையேன் அல்லேன் ஆதலின் போற்றி அதன்றிறம் புகலுதி பெரும!' என்பன கூறி இருந்தனள் ஆங்கண்;

யாழ்நூல் விளக்குதல் - யாழ்வகை, யாழுறுப்பு

	அன்புளங் கொண்டார் அவள்மொழிக் கிசைந்து	115
	`மன்பதைக் குணர்த்துதல் என்பணி யாகும் மறைந்தஇக் கருவியின் மாண்புகள் யாவும் திறந்தெரிந் துணர்வையேல் தெரிவைநின் பணிக்கே
---------------------------------------------------------------
	பார்க்குள் - உலகில், இறுத்தனள் - சொல்லினள்.