:: TVU ::

பக்கம் :206

பூங்கொடி

	இலக்கியத்தில் இசையுணர்த்தப் பூங்கொடி நன்றிபுகலுதல்

	நெஞ்சினை யள்ளும் செஞ்சொற் சிலம்பில் வேனிற் காதையும் வேட்டுவ வரியும் ஆனினங் காக்கும் ஆய்ச்சியர் குரவையும் பத்துப் பாட்டும் பரிபாட் டேடும்
	வைத்துக் கிடக்கும் பண்வகை வகுத்து	150
	நாவின் அரசர் நலந்திகழ் பிள்ளை நாவலூர் நம்பியெனும் நற்றமிழ் வல்ல மூவர் அருளிய தேவா ரத்தொடு தேரும் செந்தமிழ்த் தேறல் மாந்திய
	மாறன் திருவாய் மலர்ந்தருள் மொழியும்	155
	அருண கிரியார் அருள்திருப் புகழும் மருவிய பண்களில் வகையெலாம் தெரித்து, வாழிய பாவாய் வாழிய தமிழால்!
	வாழிய உலகம் வாழிய தமிழிசை! எனவாங்கு 160	150
	வாழ்த்தினர் எழில்மயில் வாகனர் அவளை; `வாழ்த்துக பெரும! வாழ்த்துக பெரும! காழ்ப்பும் பகையும் கடிதினில் விலகிப் பார்த்தலம் யாண்டும் பைந்தமிழ் பரவும்
	யாழ்நூல் என்னுமிவ் வோர்நூல் அளித்தனை	165
	வாழ்நாள் அனைத்தும் வாழ்த்தி வணங்குவென்'
	என்றவள் வணங்கி இனிதிருந் தனனே.	167
---------------------------------------------------------------
	நாவின் அரசர் - திருநாவுக்கரசர், பிள்ளை - திருஞானசம்பந்தர். நாவலூர் நம்பி - சுந்தரர், தேறல் - தேன், மாறன் - நம்மாழ்வார், காழ்ப்பு - பொறாமை, பார்த்தலம் - உலகம்.