:: TVU ::

அயல்நாடு சென்றுவந்த காதை

பக்கம் : 211

	தென்னாட் டவர்போல் திகழும் இயல்பினர் தமிழின் நலந்தேர் தகவாற் பெரியர் கமிலர் என்னுங் கற்றுணர் சுவைஞரைக்
	கண்டுரை யாடிக் களிமகிழ் கூடித்	100
	தொண்டொடு வாழ்வைத் தொடுத்தவள் இருந்தனள்; அவர்தாம் நறுந்தேன் மிதக்கும் நற்சுளை போல அருந்துவோர் நெஞ்சினை அள்ளும் சுவைசேர்
	செஞ்சொற் சிலம்பாம் செழுங்காப் பியமும்	105
	விஞ்சுங் காதல் கொஞ்சும் வகையால் அஞ்சு திணையால் அமைந்தநற் கலியும் நாட்டுணர் வூட்டும் பாட்டுத் திறத்தால் கூட்டுணர் வூட்டிக் கொடுங்கோல் சாய்த்துத்
	தமிழுக் குய்வகை தந்தநற் பாரதி	110
	அமிழ்தச் சுவைதேர் அருங்கவித் தொகுப்பும் அனையன பிறவும் அவர்மொழிக் கேற்றி இனியநற் பணிபுரி இயல்பினர், செயலினர்; கமிலர் நாட்டிற் கற்பன கற்றுத்
	தமிழர் நாட்டுத் தகவுகள் விளக்கி	115

உருதின் நாட்டில் பூங்கொடி

	மீள்வோள் உலகில் மேம்படு முறையால் ஆள்வோர் நாட்டினை அணுகினள், ஆங்கு மேலவர் கீழவர் வேற்றுமை யில்லை, உயர்ந்தோர் தாழ்ந்தோர் ஒருவரும் இல்லை,
	வறியரும் இல்லை உரியரும் இல்லை,	120
	சரிநிகர் என்னும் சமநிலை கண்டனள்; உடைமைகள் யாவும் உலகப் பொதுமை
---------------------------------------------------------------
	கமிலர் - கமில்சுவலபெல், செக்கோசுலேவியா; நற்சுளை - பலாச்சுளை, அஞ்சுதிணை - ஐந்திணை, கூட்டுணர்வு - ஒருமைப்பாடு, தகவுகள் - தகுதிகள்.