:: TVU ::

அறப்போர் நிகழ்த்திய காதை

பக்கம் : 227

	பொருளால் நடையால் புதுப்புது முறையால் உரையால் கவியால் வரைவோர் தாமும்
	அறிவியல் நூல்கள் ஆய்வுரை நூல்கள்	100
	செறிவொடு பிறபிற செய்வோர் தாமும் நிறைபுல மாந்தர் நெருங்கிய குழுவும்,

வழூஉக் களைவோர் குழு

	ஆவணத் தெருவினில் அரசியல் துறைகளில் கோவிலில் செய்திகள் கொடுத்திடும் இதழ்களில்
	மேவிய திரைப்பட மாகிய உலகில்	105
	எழுத்தில் பேச்சில் எவ்வெத் துறையிலும் வழுக்கள் களைந்து வண்டமிழ் வளர்ப்போர் தொகுப்பாய் பணிசெயும் தொண்டர்தம் குழுவும்,

அறப்போர் ஆற்றுங் குழு

	புதியதோர் மன்பதை பூத்திட வேண்டி
	அறிவியல் பயிற்றிடும் அரும்பெறற் பள்ளியில்	110
	புரிவியல் மொழியால் போற்றுநம் மொழியால் புகட்டிட வேண்டிப் போரிடுங் குழுவும், தாய்த்திரு நாட்டில் தண்டமிழ்க் கெதிராய் ஏய்ப்பவர் புகுத்திடும் எம்மொழி யாயினும்
	மேய்ப்பவர் மருளக் காழ்ப்பகை சிதற	115
	அறப்போர் தொடுக்கும் ஆண்மையர் தமிழ்மொழி புரப்போர் பலராய்ப் போரிடுங் குழுவும் அமைத்திடல் வேண்டும்; இறப்போர்க் குழுவுள் உயிரும் உடலும் உவப்புடன் ஈவோர்
	அயர்வும் தளர்வும் அச்சமும் விடுத்தோர்	120
	இடம்பெறல் வேண்டும்; இவ்வணம் அமைத்துக் கடமை வுணர்வும் கட்டுப் பாடும் உடையராய்ப் பணிசெயின் உலகின் நம்மொழி
---------------------------------------------------------------
	புரிவியல் - புரிகின்ற