:: TVU ::

பக்கம் :228

பூங்கொடி

	ஒருமொழி யாக ஓங்குதல் ஒருதலை'
	என்றுரை யாற்ற, ஈண்டிய பெரியோர் நன்றுநன் றென்றே நயந்தனர் ஆர்த்தனர்;	125

அடிகளார் போர்முழக்கம்

	மன்றினில் இருந்த மலையுறை யடிகள் ஒன்றிய உணர்ச்சியும் உள்ளத் தெழுச்சியும் துன்றிய மனத்தராய் நன்றுணர் புலவோர்
	குழுவுடன் ஆய்ந்து வழிமுறை தெரிந்து	130
	குழுபல அமைத்துக் கூறினர் சிலசொல் `தென்மொழி நிலைமை தெற்றென விளக்கி மன்பதைக் குரைத்தோம்; மன்பதை சார்பில் எவ்வெவ் வகையால் இயம்புத லொல்லுமோ
	அவ்வவ் வகையால் ஆள்வோர்க் கியம்பியும்	135
	தாய்மொழிக் குரிமை தந்திலர் அதனால் ஆய்ந்தபின் அறப்போர் ஆற்றத் துணிந்தனம்; போரிட முனைந்து புகுவோர் கேண்மின்! ஆருயிர் கொடுப்ப தறப்போ ராகும்
	வேறுயிர் எடுப்பது மறப்போ ராகும்;	140
	அதனதன் பெற்றிமை அறிகதில் லம்ம! முதற்போர் புரிய முனைந்தனம் இன்றே; போரெனில் உயிர்பல போதலும் இயல்பே; சீரிய இப்பெரும் போரினில் புகுவோர்
	யாரென யாரென இயம்புதிர் இன்றே;	145
	இருப்பதும் ஓருயிர் இறப்பதும் ஓர்முறை தடுத்திட ஒல்லுமோ? சாவதும் ஒருதலை; விடுக்குமவ் வோருயிர் வீணிற் செலவிடா தடுத்தநம் தாய்மொழி அரியணை வீற்றிடத்
	தொடுத்திடும் போரில் விடுத்திடத் துணிக!	150
	துணிவோ ரெவரோ அவரே வருக! துணிவில ராயின் தொலைவிற் செல்க!
---------------------------------------------------------------
	நங்கடன் - நம்கடமை, பாட்டு - பத்துப்பாட்டு, தொகை - எட்டுத்தொகை நூல்.