:: TVU ::

அறப்போர் நிகழ்த்திய காதை

பக்கம் : 229

நாட்டவர்க்கு வேண்டுகோள்

	செல்வோர் தாமும் செய்வதொன் றுளது வெல்போர் கருதி விடுதலைப் படையினர்
	சிறையகம் புகுந்தும் உறுதுயர் அடைந்தும்	155
	கையுங் காலும் மெய்யும் சிதைந்தும் நையும் உயிரொடு நடைப்பிண மாகியும் ஆளுநர் செயலால் அல்லற் பட்டுழிக் கோளும் குறையும் கூறித் திரியாது
	கண்ணீர் ஒருதுளி காட்டுக; இலையெனில்	160
	உண்ணிறை பரிவொடும் ஒருமொழி புகல்க! அந்நிலை தானும் ஆற்றீ ராயின் செல்லல் எமக்குச் செய்யா தமைக! அல்லன கூறுதல் அறவே விடுக!'
	என்பன கூறி யிருந்தனர் ஆங்கண்;	165

	போர்க்கொடி உயர்த்தல்

	புலிநிகர் வீரர் பொற்றொடி மகளிர் கலைமலி தமிழைக் கற்றறி புலவர் எவ்வகைத் துயரும் ஏற்றிடும் திறலோர் அவ்வயின் யாம்யாம் ஆருயிர் ஈகுதும்
	என்றுரைத் தெழுந்தனர் எடுத்தனர் வஞ்சினம்	170
	துன்றிய ஆர்ப்பொலி துளைத்தது விண்ணை; செங்கண் மறவர் சீற்றமும் ஏற்றமும் பொங்குதல் கண்டுளம் பூரித் தெழுந்து பற்பல அணிகள் பகுத்தனர் அடிகள்
	பொற்புடன் போற்றினர் போர்க்கொடி ஏற்றினர்;	175

	எங்கணும் மறியல்

	அருண்மொழி ஒருபால் அடிகள் ஒருபால் விரிமலர்ப் பூங்கொடி வேறொரு பாலும்
---------------------------------------------------------------
	கோள் - புறங்கூறல், அவ்வயின் - அவ்விடம்.