:: TVU ::

பக்கம் :230

பூங்கொடி

	உரிமை விழையுநர் ஒவ்வொரு பாலும் அணியணி யாக ஆங்காங் கணுகிப்
	பணிவும் கனிவும் துணிவும் பூண்டு	180
	அரசியல் அலுவல் ஆற்றும் மனைதொறும் பரசுங் கோவில் பள்ளிகள் தோறும் பாடம் பயிற்றும் பள்ளிகள் தோறும் பாடும் அரங்கம் பயிலிடந் தோறும்
	மறியல் செய்தனர்; மருண்டனர் ஆள்வோர்;	185
	வெறியோடு காவல் வீரரை ஏவினர்;

	அனைவரும் சிறைப்படுதல்

	ஏவிய சாவலர் எத்துணை வெருட்டியும் சாவது துணிந்தவர் சற்றும் விலகிலர்; அடித்தும் பிடித்தும் அச்சப் படுத்தியும்
	பிடித்த கொள்கையிற் பிறழ்ந்திலர் மறவர்;	190
	வீரர் சீறினர் விலங்கொடு வந்தனர் போரறம் புரிந்திடும் பூங்கொடி முதலா நேரறம் பூண்டிடும் நீள்புகழ் அடிகளும் கட்டில் அடங்காக் காளையர் கூட்டமும்
	மட்டு வார்குழல் மங்கையர் ஈட்டமும்	195
	நிறைகுண மங்கையர் அருண்மொழி அன்னையும் சிறையகம் புகுதச் செந்தமிழ் காக்க விலங்குடைக் கையராய் வீதிகள் பலவும்
	கலங்கலில் மனத்தராய்க் கடந்தனர் நடந்தே.	199
---------------------------------------------------------------
	பரசும் - வணங்கும், ஈட்டம் - கூட்டம்.