:: TVU ::

பக்கம் :232

பூங்கொடி

மகளிர்க் கடுக்குமோ

	`மகளிர்க் கித்துணை மனச்செருக் காகுமோ? தகவுடைத் தொழிலோ! தன்றுணை, மக்கள்,
	இல்லறம், குடும்பம் என்றுளங் கொளாஅது	25
	மெல்லிய மாதர் மீப்படு செயலிற் செல்லுதல் அறமோ? சீச்சீ இழிவாம்; தெருவிடை இவ்வணம் தெரிவையர் விலங்குடன் வருவது நாணுத் தருவ'தென் றரிவையர்
	அறிவுரை போற்சில அறைந்தனர் ஆங்கண்;	30

மகளிர் வீரம்

	`ஆடவர் போல அரிவையர் தாமும் நாடும் மொழியும் நமதென எண்ணிப் பாடு படுமிவர் பண்பினைப் போற்றுதும்; விஞ்சுந் துயரினை வீறுட னேற்கும்
	வஞ்சியர் நெஞ்சம் வாழ்த்துதும் வாழ்த்துதும்;	35
	நெடும்பகை தமிழுக்கு நேர்ந்ததே என்று குடும்பப் பணியாக் குறித்தறப் போரிற் பங்கு கொண்டதோர் பாங்கினை ஏத்துதும்; மங்கையர் இவரென மதித்தலு மின்றிச்
	செங்கை பிணித்துத் தெருவிடை யிழுத்துச்	40
	செல்லுமோ ரரசும் செங்கோ லரசோ? நல்லார் எவரும் நாணுந் தாகைத்' தெனப் பல்லார் குழுமிப் பாவையர் கூறினர்;

பித்தர் செயல்

	கற்றவர் சிலர்தாம் மற்றவர்க் கண்டு
	`வெற்றொலி என்படும்? விளைபயன் ஒன்றிலை;	45
	பற்றுளம் உடையரேல் பைந்தமிழ் கசடறக் கற்றுளந் தெளிக! மற்றவர் தமக்கும் ஐயந் திரிபற அதனை விளக்குக!
---------------------------------------------------------------
	தன்றுணை - கணவன், நாணுத்தருவது - நாணம்தருவது.