:: TVU ::

பக்கம் :24

பூங்கொடி

	நச்சி ஒருசிலர் நாட்டு மக்கட்கு ஆய்ந்து வரைந்ததோர் அறிக்கை அனுப்பினர்;

	விழாக் கொண்டாடுக

	`தமிழர் திருநாள் தைமுதல் நாளாம் அமிழ்தென இனிக்கும் பொங்கல் திருநாள்
	உழைப்பின் உயர்வை உணர்த்தும் பெருநாள்	25
	சளைப்பிலா முயற்சி தருபயன் பெற்றுப் புதுமை இன்பம் பூணும் நன்னாள் இதுவே பெருவிழா எனக்கொண் டாடுக; ஆங்காங் குறையுநர் அயலவர் பண்புகள்
	நீங்கிய திருநாள் நினைந்திதைப் பேணுக;	30
	பிறபிற பண்புகள் பேணிய போதும் நமக்கென மொழியும் நாளும் உளவென உலகம் அறிய உணர்த்துவம் வாரீர்;

	நகரை அணிசெய்க

	பலவகைத் தோரணம் பாங்குடன் நாற்றுமின்
	வளர்குலைக் கமுகும் வாழையுங் கட்டுமின்	35
	கிளரொளி மாடங் கிளைபடு குடிசை யாங்கணும் யாங்கணும் ஓங்குக இன்பம்;

	ஒற்றுமை பரப்புக

	எத்திசை நோக்கினும் எழுப்புக மேடை தத்தங் கொள்கை தவிர்த்து நாடும்
	மொழியும் வளம்பெற முன்னுவ தொன்றே	40
	வழியெனக் கருதி வழங்குக பேருரை; முத்தமிழ் ஒலியே முழங்குக யாண்டும் சிறுசிறு பகையைச் சிந்தைவிட் டகற்றுக ஓரினம் நாமென உன்னுக பெரிதே;
---------------------------------------------------------------
	நாற்றுமின் - தொங்கவிடுவீர். யாண்டும் - எங்கும், உன்னுக - நினைக.