:: TVU ::

விழாவயர் காதை

பக்கம் : 25

	வாழிய வாழிய

	காரினம் மழையைக் கரவா தருள்க;	45
	பசிப்பிணி வறுமை பகைமை நீங்கி வசைக்கிலக் கிலதாய் வளர்க அரசியல்; செல்வங் கல்வி சிறந்துமிக் கோங்குக வாழிய பொங்கள் வாழிய திருநாள்'
	என்னுமிவ் வறிக்கை எங்கணும் பறந்தது;	50

	பொங்கற் கொண்டாட்டம்

	பொழிபனி கழியப் பொங்கலும் வந்தது; எழில்பெறச் செய்தனர் இல்லந் தோறும் வெண்ணிறச் சுண்ணம் விளைத்தது தூய்மை; கண்கவர் முறையிற் கட்டினர் தோரணம்;
	வண்ணப் புத்துடை வகைவகை பூண்டு	55
	கன்னல் துண்டினைக் கடித்திடும் சிறுமகார் தெருவினில் ஓடித் திரிந்தனர் யாண்டும்; கருவிழி மகளிர் கடும்புனல் ஆடித் தறிதரும் ஆடை தரித்தனர் ஆகி
	நெய்வழி பொங்கல் செய்ம்முறை செய்து	60
	கைவணம் காட்டிக் காதலர் மகிழப் \|படைத்தனர் பிறர்க்கும் பகிர்ந்து கொடுத்தனர்; கடைத்தெரு வெங்கணும் களிகொள் ஆட்டம்;

	ஏறு தழுவினர்

	கவைபடு கூரிய காளையின் கொம்பிடைத்
	துவைபடத் தழுவிச் சுற்றிய துணிமணி	65
	அவிழ்த்தன ராகி ஆர்த்தனர் காளையர்; அன்பிற் குரிய ஆடவர் காளையை
---------------------------------------------------------------
	கார் - மேகம், கன்னல் - கரும்பு, சிறுமகார் - சிறுவர்கள், கவைபடு - வளைந்த, துவைபட - அழுத்தமுற.