:: TVU ::

பக்கம் :30

பூங்கொடி

	பகுத்தறி வூட்டும் பகலவன் ஆவர்;
	சொல்லின் செல்வர், சோர்விலர், தொண்டர், அல்லும் பகலும் ஆருயிர்த் தமிழே வெல்லும் வகையால் வீரம் விளைத்தவர்; நல்லவர் இவரை நரிக்குணம் விஞ்சிய கொல்லும் பகைக்குணம் கொண்டோர் ஒருசிலர்	70
	தூண்டுதல் செய்யத் துணிவுடன் கூடி நீண்ட புளிமரக் கிளைதனில் நேயரை அந்தோ தூக்கி ஆருயிர் வவ்வினர்; இந்தவெந் நிலையில் இசைத்தொழில் புரிவதோ?	75

	மலையுறை அடிகள் வருகை தருதல்

	வெந்துயர் வாட்ட வேலரின் நினைவால்
	மனநலி வெய்தி மனையுறை நாளில், நினையா நிலையில் நீளருட் செல்வர் மலையுறை யடிகள் வந்துநின் றருளினர் துயரம் நீங்கச் சொற்றனர் சிலசொல்;	80

	அடிகளார் அறிவுரை

	`மாதே! பிறப்பும் மாய்வும் இயற்கை;
	யாதே முயலினும் தடுத்திடல் அரிதே! பெறலருங் கொழுநன் பிணியால் மாண்டிலன் பிறரெவ ரும்பொறாப் பெருநிலை பெறவே ஆருயிர் ஈந்தனன் அவனோர் வீரன்; வீரப் பெருமகன் விடுபணி தொடர்ந்து	85
	புரிந்தனி ராயின் பொருந்திய துயரம் முறிந்திடும்; அவனுளம் நிறைந்திடும் ஆதலின் முயன்றுறு செல்வம் முத்தமிழ்க் கல்வி உயர்ந்திட உதவுக, உழைப்பும் நல்குக,	90
---------------------------------------------------------------
	விஞ்சிய - மிகுந்த.