:: TVU ::

படிப்பகம் புக்க காதை

பக்கம் : 41

	கொழுநன் ஆவேன்

	கொழுகொம் பின்றிப் பூங்கொடி தவித்து விழுவது பொறேனாய்க் கொழுநன் ஆவேன்
	எனுமுயர் நினைவால் இரங்கி வந்துளேன்; நின்பூங் கொடியோ நேரிசைக் குலத்தாள் என்பெரு நிலையினை இசைத்தால் உடன்படும்;	90

	உடன்படச் செய்க

	குறளகம் விடுத்துக் குமரன் என்னைப் பெறுமணங் கொள்ளப் பெட்டனள் ஆயின்
	அளப்பருஞ் செல்வம் அனைத்தும் ஈவேன்; களைத்துடல் இளைக்கக் கருதா தென்றன் காதற் கடலைக் கடந்திட அவளை மாலுமி யாக்கி மகிழ்ந்திடக் குறித்தேன்; வேலெனும் விழியாய்! வேண்டினென் நின்னை	95
	மதியுடம் படச்செய்!' எனும்அம் மாற்றம் செவியுற நெஞ்சம் செயலறக் கலங்கி நவையறச் சிலசொல் நவின்றனள் அல்லி;	100

	அல்லியின் அறிவுரை

	`செல்வக் கோவே! சீர்சால் கல்வி மல்குறு நினக்கு மங்கையர் அறிவுரை
	குறிப்பது நன்றன் றாயினும் குறிப்பேன்; விருப்பிலா மகளிரை விழைவது முறையோ? கருத்தொரு மித்தால் காதல் சிறக்கும்; ஒருபால் அன்பால் உறுபயன் ஒன்றிலை;	105
---------------------------------------------------------------
	பொறேன் - பொறுக்கமாட்டேன், பெட்டனள் - விரும்பினள், நவை - குற்றம், மல்குறு - நிறையும், விழைவது - விரும்புவது.