:: TVU ::

பக்கம் :44

பூங்கொடி

	தத்தை கொடுஞ்சிறைக் கூண்டுள் தங்கிட விழைதல் உண்டோ? விடுவிடு காமம்!
	மழைமுகில் தொடுதர வானுயர் கோவில் அழுக்கும் இழுக்கும் பெருகி ஆங்குப் புழுக்கள் நெளிதரல் போலச் செல்வர் நெஞ்சில் தீக்குணம் நெறிந்தன போலும்; வெஞ்சினங் கொள்வாள் நின்முகம் நோக்காள்	25
	வஞ்சி குறிக்கோள் வாழ்வினள் ஆதலின் விஞ்சுங் காமம் விடுவிடு' என்றனள்;	30

	அல்லியின் வரலாறு வினவல்

	`புயலைத் தடுக்கஓர் பொறியும் உளதோ? மயலை விடுக்க மதியுரை புகன்றனை! கயல்விழி! நன்'றெனக் காமுகன் நகைத்து,
	`மடம்படு மாதே! மற்றொன்று வினவுவல் வடபுலந் திருப்போன் வளநிதி மிக்கோன் வெருகன் எனும்பெயர் மருவிய ஒருவன் பெறுமனை நீயெனப் பேசிடும் இவ்வூர் அவனை நீங்கி ஆயிழை யிவளொடு	35
	சிவணிய தென்னை? செப்புக' எனலும்,	40

	அல்லியின் வரலாறு

	`வளர்பெரு நிதியோய்! வாழ்கநீ பெரும! தளர்வுறும் நின்மனம் தகாநெறி ஒரீஇ நல்வழிப் படர்க! நானிவண் உற்றது செல்வக் கோவே செப்புவென் கேண்மோ!
	மகப்புனல் ஆட மயில்நகர் விடுத்துத் தகப்பன் தடையைப் பொருட்படுத் தேனாய்	45
---------------------------------------------------------------
	தத்தி - கிளி, வஞ்சி - பெண் (பூங்கொடி), பொறி - கருவி, மயல் - மயக்கம், ஆயிழை - ஆய்ந்தெடுத்த அணிகலனுடைய பெண் (பூங்கொடி), சிவணியது - பொருந்தியது, ஒரீஇ - நீங்கி.