:: TVU ::

பக்கம் :92

பூங்கொடி

	நேர்வரும் பகையால் நின்பெருங் கொள்கை சீர்பெற் றோங்கிச் செழிப்புறல் போலப் பொன்னியின் காதல் பொங்கிப் பொலிந்தது;

	பொன்னியின் செயலறு நிலை

	இந்நினை வதனால் ஏங்கி மெலிவது
	கண்டனன் தந்தை; கடிதினில் இவள்மணம்	50
	கண்டமை வேன்எனக் கொண்டுளங் கருதி முயல்வுழி, இச்செயல் முழுவதும் உணர்ந்த கயல்விழி இரங்கிக் கண்ணீர் மல்கிச் செயலறக் கிடந்தனள் மயலது மிகவே;

	பொன்னி காதலனிடம் செய்தி கூறல்

	இனைந்துயிர் மாய இடங்கொடா ளாகி	55
	நினைந்தொரு முடிவு நேர்ந்தனள் மனத்தே; விடிந்தால் திருநாள் விரைவினில் அனைத்தும் முடிந்தே எழுவேன் என்மனம் முடுகும் தையற் றொழில்வலான் தாளென இரவில்
	தையல் மலரடி விரைந்தன தனிமையில்;	60
	வல்லவன் காதலன் வதியிடன் குறுகி வில்லவன் றன்பால் நிகழ்ந்தன விளம்பலும்;

	வில்லவன் புலம்பல்

	`அந்தோ! நின்னை அயலவன் மணஞ்செயின் நொந்தே சாவேன் நொடிப்பொழு தினியிரேன்
	இந்த உரைசொல வந்தனை யோ'என	65
	வெந்துழல் மனத்தினன் வில்லவன் புலம்ப,

	பொன்னியின் துணிபு

	`உயிரனை யாய்!நீ உணரா துரைத்தனை! துயரம் விட்டொழி! துணைவன் நீயே அயிரேல்! நின்னை அடையே னாயின்
---------------------------------------------------------------
	முடுகும் - விரையும், அயிரேல் - ஐயப்படாதே.