:: TVU ::

மீனவன் வரலாறுணர்ந்த காதை

பக்கம் : 97

	பிறப்பால் தாழ்வுரை பேசுவீ ராயின் சிறப்பால் நீவிர் செப்புநும் முன்னையர் மூலங் காணின் ஞாலஞ் சிரிக்கும்; காலங் கருதிக் கருத்தினை மாற்றுமின்';
	தோலா நாவினன் துணிந்திவை கூறி,	170
	வேட்டங் கருதிக் காட்டகம் போகிக் கோட்டுக் களிற்றொடு கொடும்போர் விளைத்து மீண்ட வேங்கையின் நீண்டுயிர்ப் பெறிய,

	முதியோன் தூண்டுதல்

	மூண்ட சீற்றத்து முதியோன் கொதித்துப்
	`பெருமறை மந்திரம் பிழைஎனப் பிதற்றும்	175
	சிறுமகன் நாத்திகன் செருக்கினைப் பாரீர்! இன்றெனப் பேசினன் இவனைநாம் விடுத்தால் நாளைநும் பழிக்க நாணான் நடுங்கான் கோழை எனநமைக் கொண்டனன் போலும்;
	தொழுதகு முன்னையர் வழிமுறை பிழைஎனப்	180
	பழுதுரை கூறிய பாவியைப் பொறுத்தீர்! ஆத்திகப் பெரியீர்! ஆண்டவர் பழித்தனன் ஆத்திரம் கொண்டிலீர் அஞ்சினீர் கொல்'என;

	கயவர் தாக்குதல்

	முரடர் சிலர்அம் மீனவன் முகத்தில்
	குருதி சிதறக் குத்தினர்; மயக்குறக்	185
	கட்டவிழ்த் தேகினர்அக் கருணை மாந்தர்; சுட்டாற் செம்பொன் கெட்டா போகும்? முட்டாள் தடுக்க முற்படின் பயணம் தொட்டார் குறியிடம் விட்டொழி வாரோ?
	மயங்கினன் கிடக்கும் மகன்றனை வளர்த்தவன்	190
	புயங்களிற் சுமந்து தன்மனை புகுந்தனன்;
---------------------------------------------------------------
	தேலா - தோற்காத, வேட்டம் - வேட்டை, கோடு - கொம்பு, முட்டாள் - முள்தாள்.