| 60. | யாதோ வெனவென் மனந்தா னயிர்க்கும்.
அவன்குண மொருபடித் தன்றே. அவனுளம்
உவந்தன வெல்லாம் உஞற்றுவ னென்றே
நாட்டுளார் நவில்வது கேட்டுளாய் நீயும். |
| ஜீவ, | | ஆம் ! ஆம் ! அறிந்துளேம். ஏமாப் படைத்த | | 65. | தன்னுளம் வியந்தவை யின்னவென் றில்லை.
வேதம் வகுத்த வியரசன் வியந்து
போற்றினும் பொருட்டா யெண்ணான் ; புலையன்
சாற்றுத லொருகால் தான்மகிழ்ந் திடுவன் ;
ஒருவன் றனதடி யிணையடைந் துறவே | | 70. | பெரிது விரும்பினும் பெருமைபா ராட்டுவன் ;
மற்றோர் மனிதன் சற்றுமெண் ணாதே
செருப்பால் மிதிக்கினும் விருப்பா யிருப்பன்,
மலரிடிற் காய்வன் ; பரலிடின் மகிழ்வன் ;
பெரியோர் சிறியோர் பேதைய ரறிஞர் | | 75. | உரியோ ரயலோ ரென்றவ னொன்றும்
உன்னான். ஆயினு மின்னவை யாவும்
பிரபுத் துவமலாற் பிறவல குடிலா ! |
| குடில, | | அடியேற் கவ்விடத் தையமொன் றுளது.
முடிபுனை மன்னரிற் கடிநகர்ச் செருக்கும் | | 80. | இணையிலாச் சேனையு மீறிலா நிதியுந்
துணிவறா வுளனும் பணிகிலா வுரனும்
உனைவிட லெவர்க்குள? ஓதுவாய். உன்வயின்
தினையள வேனுஞ் சேரா தாகும்
ஒருகுணம் பிரபுத் துவமென யாரே | | 85. | யுரைதா வுன்னுவர்? ஒவ்வுவ தெவ்விதம்?
மலையன் தந்தைகீழ்த் தாய்கீழ் வளர்ந்தவன்
அலனெனுந் தன்மைநீ யாய்ந்திலை போலும்.
நன்றுதீ தென்றவ னொன்றையு நாடான்
என்றிடில் நாஞ்சொலும் நன்மையு மெங்ஙனம் | | 90. | நாடுவ னெனவெனக்கு ஓடுமோர் நினைவே. |
| ஜீவ, | | ஒக்கும் ! ஒக்கும்நீ யுரைத்தவை முற்றும் :
குலகுரு கூறுதல் கொண்டில மென்னில் |
|
|
|