| | நோவுஞ் சாவு மொன்றே. அன்றியும்
உலகெலாம் நோக்கில்நம் உடலொரு பொருளோ?
பஞ்சா சத்கோடி யெனப்பலர் போற்ற
எஞ்சா திருந்த இப்புவி யனைத்தும் |
| 30. | இரவியின் மண்டலத் தொருசிறு திவலை.
பரவிய வானிடை விரவிய மீனினம்
இரவியி லெத்தனை பெரியதுஒவ் வொன்றும் !
இரவியு மிம்மீ னினங்களுங் கூடில்
ஒருபிர மாண்டமென் றுரைப்பர். இதுபோல் |
| 35. | ஆயிரத் தெட்டுமற் றுண்டென அறைவர்.
ஆயிரத் தெட்டெனல் அலகிலை யென்பதே.
இப்பெரு முலகெலா மொப்பறு திருமால்
உந்தியந் தடாகத் துதித்தபன் முளரியில்
வந்ததோர் நறுமலர் தந்தபல் லிதழில் |
| 40. | ஓரித ழதனி லோர்சா ருதித்த
நான்முகச் சிலந்தி நாற்றிய சிறுவலை.
ஏன்மிக ! நாமிங் கோதிய மாலும்
ஒருபெருங் கடலி லுறுதுரும் பென்ப.
அப்பெருங் கடலும் மெய்ப்பொருட் கெதிரில் |
| 45. | எப்படிப் பார்க்கினு மிசையாப் பேய்த்தேர்.
இங்கிவை யுண்மையேல், எங்குநா முள்ளோம்?
நீர் யார்? நான் யார் ! ஊரெது? போரெது?
போரெனப் பொறுக்கலீர் ! ஓ ! ஓ ! பாரும் !
மருவறு மாயா மகேர்ததி யதனிற் |
| 50. | புற்புத மனைய பற்பல அண்டம்
வெடித்துஅடங் கிடுமிங் கடிக்கடி, அதனைத்
தடுப்பவர் யாவர்? தாங்குநர் யாவர்?
விடுத்திடும், விடுத்திடும். வீணிவ் விசனம்.
இந்திர ஜாலமிவ் எந்திர விசேடம். |
| 55. | தன்றொழில் சலிப்பற இயற்றும். மற்றதனுள்
படுபவர் திரிகையுட் படுசிறு பயறே.
விடுபவர் யாவர்பின் ! விம்மி விம்மிநீர்
அழுதீர், தொழுதீர் ஆடினீர், பாடினீர்,
யாரென் செய்வர் ! யாரென் செயலாம் ! |
|
|
|