ஏற்றிட வல்லரை மாற்றிநீ நிறுத்திக்

காட்டுதி யெனக்கு.

காட்டுவன் ஈதோ !

(அணிவகுத்துக் காட்ட)

நல்லனித் தலைவன். வல்லவ ரிவரும்.

(காவற்படைகளை விலக்கி நிறுத்திக் காட்ட)

போதுமோ இவர்கள்?

போதும் ! போதும் !

போதுமே யாங்கள் -

எண்ணுமின் நன்றா யேற்குமுன் ! பின்புநீர்

தவிர்கிலங் கடமையில். சத்தியம். தலைவ !

தகுதியன் றெனச்சிலர் சாற்றிய தொக்க
மிகுபழி நீவிரும் மொழிவிரோ என்மேல்?

மொழியோ மொன்றும். மொழியோ நும்மேல்.

சரி ! சரி ! ஆயின் தாங்குமின் காவல்.
பரிமற் றையர்க்கெலா முளவோ?

ஓகோ !

காணுதும்.

வைத்துள படையும் அழைத்திப் புறநீ
நொடியினில் வருதி.

அடியேன், அடியேன்.

(முதற்படைஞன் போக)

ஆம்பொழு தழைப்போம். வாம்பரி யமர்மின்.

(கோட்டைமே லுலாவி நின்று)

அரும்படை யிரண்டு மதோ ! கை கலந்தன.
வரும்பழி யாதோ? மன்னவர்க் கேதோ?

ஆவதிங் கறியேன் ! ஜீவக ! ஜீவகா !