இடம் : அரண்மனையிலொரு சார். காலம் : நண்பகல்
ஜீவகன் தனியாய்ச் சோர்ந்து கிடக்க : சேவகர் வாயில்காக்க.

செய்வதென்? செப்பீர். கைதவற் கியாமோ
ஆறுதல் கூறுவம்?

கூறலும் வீணே !

பெருத்த துயரிற் பேசுந் தேற்றம்
நெருப்பிடை நெய்சொரிந் தற்றே யென்பர்.

பணிந்தியா மருகே நிற்போ மன்றித்
துணிந்துமற் றதுதான் சொல்லுவர் யாவர்?

ஆயினும்,

மகளா லன்றி மன்னவன் தேறான்.
அதற்கே சென்றர் போலும். ஆ ! ஆ !

பாரீர் ! இன்றவர் பண்ணிய சாகசம்.
இன்றியாம் பிழைத்ததிங் கிவரால். அன்றேல்-
(ஜீவகன் எழுந்து நடக்க)

உரைதரு கின்றான் யாதோ? ஒதுங்குமின்.
அடுத்திவ ணிற்பீர். அமைதி ! அமைதி !