பாரதியாரின் " கண்ணன் பாட்டு" என்னும் நூலுக்கு 1917ல் எழுதியுள்ள
குறிப்புரையில்   நெல்லையப்பர்  மிகுந்த  தீர்க்கதரிசனத்துடன்  பின்வருமாறு
கூறியுள்ளார்.

      "இதன்  ஆசிரியர்   ஸ்ரீ.சுப்பிரமணிய பாரதியாரைத்  தமிழ்  நாட்டார்
அறிவார்கள். ஆனால் அவர் பெருமையை உள்ளபடி அறிந்தவர்கள் மிகமிகச்
சிலரேயாவர்.  ஸ்ரீமான்  பாரதியார்  ஒரு  பெரிய மேதாவி ; மகா  பண்டிதர்;
தெய்வீகப் புலவர்; ஜீவன் முக்தர் ; இவர் 'தமிழ்நாட்டு' ரவீந்திரநாதர்! எனது
தமிழ் நாட்டின் தவப் பயன்.

     "இவ்வாறு  கூறுவதால் எனது நண்பரை மிகுந்த உச்சஸ்தானத்தில் ஏற்றி
வைப்பதாக   எவரும்   கருதவேண்டாம்.  அவருக்கு  யான்    கொடுக்கும்
உச்சஸ்தானம்   நிச்சயமானது.  இதனைத்   தற்காலத்தில்    அறியாதவர்கள்
பிற்காலத்தில் அறிவார்கள்."

      திருநெல்வேலியில் 1908ல் " சுயராஜ்ய தினம்" கொண்டாடப்பட்டபோது
அதனை  ஒரு கலவரம் என்று வருணித்து,  பரலி. சு.நெல்லையப்பர் உள்படப்
பலர்மீது அரசாங்கம் வழக்குத் தொடர்ந்தது. அந்த வழக்கிலே நெல்லையப்பர்
சிறைத்  தண்டனை பெற்றார். 1941ல்  சென்னை  நகரிலே தனிநபர் சத்தியாக்
கிரகத்தில்    ஈடுபட்டு   இரண்டாவது   முறையாகவும்    சிறைவாசமேற்றார்
அடக்கத்தையும்  பண்பையும்  அணிகலன்களாகக் கொண்ட நெல்லையப்பர்,
சரித்திர நாயகர்களில் ஒருவராவார்.

ராஜாஜி

     தலைவர்    ராஜாஜி,     திலகர்     சகாப்தத்திலிருந்து      காந்தி
சகாப்தத்துக்கு நாடு மாறிக்கொண்டிருந்த  சரித்திர  முக்கியத்துவம்  வாய்ந்த
கட்டத்திலே    அரசியல்    வானில்   தோன்றினார்.   தத்துவ    ரீதியில்
சொல்வதனால்,     திலகரிஸத்திலிருந்து      காந்திஸத்திற்கு    நாட்டைக்