அடிகளார்,  ஜனநாயகத்தில்  தாம்  கொண்டிருந்த அழுத்தமான பற்று
காரணமாக,  தாம்     வெளியிடும்     ஒவ்வொரு   கருத்தும்    மக்களில்
ஒவ்வொருவருடைய   செவிகளுக்கும்  போய்ச்  சேரவேண்டும்  என்பதிலே
எல்லையற்ற   அக்கறை  கொண்டிருந்தார்.  அந்த  அக்கறையாலும்  தமிழ்
உள்ளிட்ட பிரதேச மொழிகள் வளர்ச்சி பெற்றன-வாழ்வும் பெற்றன.

     இதுகாறும்  காந்தி   சகாப்தத்தில்  இந்திய மொழிகளின் வளர்ச்சிக்கு
ஆதரவாகவும் ஆங்கிலஆதிக்கத்திற்கு எதிராகவும் உருவாகிய சூழ்நிலையை அறிந்தோம்.   இனி,   காந்தி   சகாப்தத்திலே   ஒவ்வொரு   துறையிலும்
பிரதேசமொழி - அதாவது   தமிழகத்திலே   தமிழ்மொழி  வளர்ச்சியினைத்
துறைதுறையாக ஆராய்வோம்.