தேசியவாதிகள்  கவிதைத்   தமிழுக்குச்   செய்த   தலையாய பணி
என்னவென்றால்,  எளிய நடையில், பாமரரும் பொருளறிந்து ரசிக்கத் தக்க
முறையில் கவிதை அமையவேண்டும்  என்று  கட்சி பேசியதாகும். இதனை,
அந்நாளைய  தமிழ்ப்  புலவர்கள்   ஏற்கவில்லையென்றாலும்,  மக்களிடம்
தங்களுக்கிருந்த  எல்லையற்ற செல்வாக்கைப் பயன்படுத்தி  தேசியவாதிகள்
வெற்றி பெற்றனர்.

      "எளிய பதங்கள்,  எளியநடை,  எளிதில் அறிந்து  கொள்ளக் கூடிய
சரிதம்,     பொதுஜனங்கள்    விரும்பும்   மெட்டு    இவற்றினையுடைய
காவியமொன்று  தற்காலத்திலே  செய்து  தருவோன் நமது தாய்மொழிக்குப்
புதிய  உயிர்  தருவோனாகின்றான்.  ஓரிரண்டு வருஷத்து நூற்பழக்கமுள்ள
தமிழ்  மக்களெல்லோருக்கும்  நன்கு பொருள் விளங்கும்படி எழுதுவதுடன்,
காவியத்துக்குள்ள நயங்கள் குறைவுபடாமலும் நடத்தல் வேண்டும்."¹