கவிதை,  சிறுகதை,  நாவல்  ஆகிய  அணிகளைப் பூண்டு, தமிழ்த்தாய்
அழகு  நடை  போட  விடுதலைப் போராட்ட காலத்தில் தமிழ் பத்திரிகைகள்
பெரிதும்   பயன்பட்டுள்ளன.   விடுதலை  பெற்ற   பின்னரும்   பயன்பட்டு
வருகின்றன. தனித்தமிழ்ப் பற்றுடையோர், பத்திரிகைத் தமிழை மனநிறைவுடன்
ஏற்கமாட்டார்கள்.  ஆம் ; பண்டிதர்  தமிழுக்கும்  பத்திரிகைத்  தமிழுக்கும்
வேற்றுமையுண்டென்பதை   ஒப்புக்   கொள்ளத்தான்   வேண்டும்.   மக்கள்
எல்லோரும்  கல்வியறிவுடையவர்களானால்,  இந்த   வேற்றுமை   சிறிதளவு
குறையலாம்.   ஆனால்,   அப்போதும்   அடியோடு   மறையாது.   மக்கள்
எல்லோருமே பண்டிதர்களாவது என்றைக்கும் சாத்தியமில்லையல்லவா!