வள்ளலார்   தாம்   கொண்டிருந்த   புரட்சிகரமான  கொள்கைகளை
உரைநடையில்  எழுதி    மக்கள்  மத்தியில் பரப்பியதோடன்றி,  எண்ணற்ற
பாடல்கள்  இயற்றியும் பறை  சாற்றினார். அவை தேசிய ஒருமைப்பாட்டினை
வற்புறுத்துவனவாகும்.

     ஒத்தாரும் உயர்ந்தாரும் தாழ்ந்தாரும் எவரும் .
     ஒருமை உளராகி உலகியல் நடத்தவேண்டும்

      இச்சாதி சமயவிகற் பங்களெல்லாம் தவிர்ந்தே
      எவ்வுலகுஞ் சன்மார்க்கப் பொதுவடைதல் வேண்டும்

     கருணையிலா ஆட்சி கடுகி யொழிக
         அருள்நயந்த நன்மார்க்கர் ஆள்க - தெருள்நயந்த
     நல்லோர் நினைத்த நலம்பெறுக நன்று நினைத்து
          எல்லோரும் வாழ்க இசைந்து.

     பொறித்தமதஞ் சமயமெலாம் பொய்பொய்யே
          அவற்றில் புகுதாதீர்

     இராமலிங்க  வள்ளலார்  சுமார்  ஆறாயிரத்துக்கு  மேற்பட்ட  அருட்
பாக்களை  இயற்றியுள்ளார்.  அவற்றிலே,   பிற்காலத்தில் தோன்றிய தேசிய
எழுச்சிக்குத்  தோற்றுவாயாக அமைந்த சமூக சீர்திருத்தப் புரட்சிக் கருத்துக்
களடங்கிய  பாடல்கள்  ஓராயிரத்துக்கு மேற்பட்டவையாகும். இந்திய தேசிய
எழுச்சிக்குத்     தமிழகத்தைப்     பொறுத்தவரையில்      இராமலிங்கரே
முன்னோடியாவார்.