ஆங்கிலம்  உலக  மொழியாக இருந்ததாலும்,  அதுவே  விஞ்ஞான-
தொழில் நுணுக்கக் கலைகளைப் பயிற்றுவிக்கும்  மொழியாக அமைந்ததாலும்
தமிழகத்திலே அதற்குப் பெருஞ் செல்வாக்குக் கிடைத்துவிட்டது.

      வரலாற்றைத்  துருவி  ஆராய்ந்தால், சங்க காலத்திலே  தமிழர் மீது
தமிழ் மொழி  ஒன்றே  ஆதிக்கஞ் செலுத்திய  நிலையைக்  காண்கின்றோம்.
பின்னர் , சங்க  காலத்தை அடுத்துள்ள  ஒரு காலக்கட்டத்தில் ,  தமிழோடு
தோழமை கொண்டிருந்த சம்ஸ்கிருதமொழி. ஆனால், ஆந்திரர் - மராத்தியர்
ஆதிக்கங்களின்  வரவால்  அந்தத்  தோழமை  மாறி ,  தமிழருடைய சமய
வாழ்விலே  சம்ஸ்கிருதம்  ஆதிக்கம்  பெற்று  , பின்னர்  சமூக வாழ்விலும்
கலந்து விட்டதைக் காண்கின்றோம் .அதனை அடுத்து  மொகலாயர் ஆட்சிக்
காலத்திலே , தமிழ் - சம்ஸ்கிருதம்  ஆகிய   இரண்டையும்   புறக்கணித்து உருதுமொழி ஆதிக்கம் பெற்றதைப் பார்க்கின்றோம்.

      அதன்  பின்னர் , ஆங்கிலேயர்  ஆட்சி   தோன்றிய  காலத்திலே,
தமிழ்- சம்ஸ்கிருதம்-உருது ஆகிய மூன்றையும் ஒதுக்கித் தள்ளி,  ஆங்கிலம்
ஒன்றே   ஆட்சி   மொழியாகவும் ,  கல்வி   மொழியாகவும் ,   நீதிமன்ற
மொழியாகவும்  நிலைபெற்ற  கொடுமையைக்  காண்கின்றோம் .   தமிழ் -
சம்ஸ்கிருதம் - உருது  ஆகிய  மொழிகளின் பால் பற்றுக்கொண்ட  மக்கள்
பரஸ்பரம்  பூசல்  கொள்ளாமல் , ஒன்றுபட்டிருப்பார்களானால் ,  ஆங்கில மொழியின்   ஆதிக்கத்தை  அது  தோன்றிய   காலத்திலேயே  தொலைத்
திருக்கலாம். அந்த நல்ல நிலை அன்றும்  இல்லை . இன்றும் இல்லை. இது
தான் தமிழகத்தின் மொழி வரலாறு.