வ.உ.சி.-யின் துணை

     ‘ஞானபாநு’ வுக்கும் ‘சுதேசமித்திரனுக்கும்  கருத்துப்போர் தொடர்ந்தது.
அதில் ‘சுதேசமித்திரனின் கலப்புத் தமிழ்க் கட்சிக்கு எதிராக ‘ஞானபாநு’வின்
தனித் தமிழ்க்கட்சியை ஆதரித்து , கப்பலோட்டிய தமிழர் வ.உ.சிதம்பரனார்,
“பாரதி”  என்ற  மாத  இதழில் கட்டுரை  எழுதினார்.  கருத்துப்போர்  பல
மாதங்கள்  நீடித்தபோது,  எல்லாப்  பத்திரிகைகளிலுமே  அறிக்கைவிட்டார்
வ.உ.சி.  ‘ஞானபாநு’வுக்கு  மாற்றுப்  பிரதியாக “சுதேசமித்திரன்” அனுப்பப்
படுவதும் நிறுத்தப்படுமளவுக்கு இந்த இரண்டு பத்திரிகைகளுக்கிடையே பூசல்
வளர்ந்தது. பரலி.சு.நெல்லையப்பர் நடத்திய “லோகோபகாரி” இதழும் இந்தக்
கருத்துப் போரில் “ஞானபாநு”வின் சார்பில் பங்குகொண்டது.

     “ஞானபாநு”வில் “சுதேசமித்திரனுக்”குப் பதிலளித்து சிவாவால் எழுதப்
பட்ட ஒரு குறிப்பு வருமாறு:

     “இப்பொழுது      ஜனசமூகம்      விழித்துக்கொண்டு     விட்டது.
தேசாபிமானமும்   பாஷாபிமானமும்  எங்கும்   பெருகி       வருகின்றன.