மறைந்த தலைநகரின் எஞ்சிய பகுதிகள் சிலவற்றை
இன்று நாம் காணலாம். கங்கை கொண்ட சோழபுரத்திற்கு
2 கி.மீ. தென்கிழக்கிலுள்ள ‘மாளிகை மேடு’ என்ற இடத்தில்
இராஜேந்திர சோழன் வாழ்ந்த மாளிகையின் அடையாளங்கள்
உள்ளன. இங்கு அகழ்ந்து காணப்பட்ட தொல்பொருள்கள்
தமிழ்நாடு மாநிலத் தொல்பொருள் துறையினரால், மாளிகை
மேட்டுப் பகுதியிலேயே காட்சிப் பொருள்களாக
வைக்கப்பட்டுள்ளன.

கங்கை கொண்ட சோழபுரத்தின் ‘கோ இல்’ மறைந்த
பின்னும், ‘கோவில்’ மட்டும் அழியாது நின்று, இராசேந்திர
சோழனின் பெருமையைக் கூறுகிறது. தொல்பொருள்
துறையினரின் ஆராய்ச்சியில் இந்நகரம் இருந்து வருகிறது.

கங்கை கொண்ட சோழீசுவரத்தின் சிறப்பு

இராசேந்திர சோழர் தம் தந்தையைப்போல் ஒரு சிவ
பக்தராக விளங்கினார். தம் தந்தை அமைத்த பிரகதீஸ்வரர்
ஆலயம் புகழுடன் விளங்கினாலும், தம் புதிய தலைநகருக்கு
ஒரு சிவாலயம் ஏற்படுத்த வேண்டும் என்ற ஆர்வத்தினாலும்,