கனக சபையின் கூரைப் பகுதியில் காணப்படும் தலைகீழாக
உள்ள சுழலும் தாமரைப்பூ, இதனருகிலுள்ள கிளிகள், ஒரே
கல்லினாலான கல் வளையங்கள், கோலாட்டம் மற்றும் நடனச்
சிற்பங்கள் ஆகியவை அக்காலச் சிற்பியின் கலைத் திறமையைக்
காட்டுகின்றன.

பட்டீஸ்வர சுவாமி கோவிலிலுள்ள கனகசபைச் சிற்பங்கள்,
மதுரை நாயக்க மன்னர் ஆட்சியில் நமக்குக் கிடைத்த
மரபுரிமைச் செல்வமாகும் (Legacy).

துர்க்கை அம்மன் சந்நிதி முன்னுள்ள சிங்கத்தின் வாயினுள்,
சுழலும் கல் உருண்டை ஒன்று உள்ளது. இது ஒரு சிற்ப
விநோதம் ஆகும்.

கோவிலின் எதிரிலுள்ள தெப்பக்குளம், அளவில்
சிறியதாயினும் அழகில் சிறந்துள்ளது. 16 கோணங்களில்,
அழகிய படிக்கட்டுகளுடன் இத்தெப்பக்குளம் விளங்குகிறது.

கோவிலின் எதிரிலுள்ள ஐந்து இரதங்களும் மர
வேலைப்பாடு மிக்கவை.